عمروم یاخنلاشیبدور-ای منیم یاوریم-خوش سنون حالیوه
حضرت زینب سلام الله علیها
✍ گلچین نغمه های غم ✍
حاج رسول امینی خویی
*****
عمروم یاخنلاشیبدور یتسین تمامه قارداش
پیک اجل گلونجه گل سنده شامه قارداش
*****
سن گلمسن یقین بول هجران اوتوندا یانّام
بولسم گلن دقیقون جان ورمرم دایانّام
السمده سن گلنده تشییعیمه اویانّام
ال سینده اوتورّام عرض سلامه قارداش
*****
عاشور کربلادن سندن آرالیام من
هیچ بولمورم دیاریم هاردا هارالیام من
قارداشلاریم الندن دلدن یارالیام من
دوندردی گوندوزومی غم غصه شامه قارداش
*****
من بلبل حزینم گلسیز چمنسیز اللم
آیری دوشوب وطندن ایلسیز وطنسیز اللم
اورگشمیشم حسینیم سندن کفن سیز اللم
اگنیمده واردی سندن بیر قاره جامه قارداش
******
یوخ طاقت و توانیم از بس که خسته یم من
مانند پر شکسته بلبل قفسده یم من
یتمیش جانیم دوداقه آخر نفسده یم من
حتی دلیم دولانمور نطق و کلامه قارداش
****
غربتده آشنام یوخ آغ زلفیمی داراسین
ایتسین وطندن آیری یالقوزلیقین چاراسین
گل الممیش اوپوم من قلبونده اوخ یاراسین
یتسین سنونده بلکه عطرون مشامه قارداش
*****
هر بیر زمان افقدا اولسا دومان آی اولماز
غم چولقویار فضانی گوزلر یاتار های اولماز
بایرام گجه لرینده قارداشسیزا پای اولماز
قارداشسیزی بولورسن یتمز مرامه قارداش
*****
اگنوندن اولما قارداش رخت وفا سویوبسان
هجروندن من غریبی آغلار ملر قویوبسان
گیرم که سن باجوندان السون باجون دویوبسان
چوخ یازمیشام دالینجا اشکیله نامه قارداش
*****
سندن صورا سوزوم یوخ چوللرده قالموشام من
چوخ دلخوشام قیامون اوسته اوجالموشام من
الآن دونوب کماله قدیم قوجالموشام من
یوخدور دوتان الیمدن قالخام قیامه قارداش
*****
آغلار مدام""امینی""زینب توسلینده
ورد ایلیوب بولورسن مظلوم آدون دلینده
دوت نوکرین الیندن هنگام مشکلینده
سندن زیارت ایستر یازدیقجا خامه قارداش
کربلاده نلر اولدی نلر اولدی نلر اولدی
زینبون زلفی آغاردی نئجه گور خونجگراولدی
قتل وغارت لره دویماز بدوی لر اموی لر
اوت آلان دامنه بیرباخ اورگیم دربدر اولدی
بیرطرفده سینیری آتلار ایاقینده سوموکلر
بیرطرفده اوت آلان خیمه ده ظلمی بَتر اولدی
قارداشین ائتدی رها تا گله امداد ائده زینب
گه قاچیر قتلگهه گه گئیدیری، دل شرر اولدی
قاچاقاچ دوشدی اوصحراده خدایا یانارام من
دگدی بیر قیز ائله بیر آت دوشونه جان بَسَراولدی
::
حضرت ابوالفضل العباس علیه السلام
:بک سوال و جواب
امام حسین :
ای منیم یاوریم یاتمااویان قارداشیم
سیندی بال وپریم قانه دونوب گوزیاشیم
برادر شهیدیم
آچ گوزلرون امیدیم
:امام حسین :
یاتما قان ایچینده سرلشگر سپاهیم
سومشکین گوزلیور اطفال بی پناهیم
خیمه وون دوره سین لب تشنه لرآلوبلار
آچ گوزون باخ منه غم گونی دادخواهیم
برادر شهیدیم
آچ گوزلرون امیدیم
حضرت ابوالفضل:
اهل کین کینه ی بدراوستونده دایاندی
سویولون گوزلمه سومشکیم پارچالاندی
گوزلروندن ایراق گوزلریمه اوخ دگوب
پرچمون سینه مون اوسته قانه بویاندی
گل یاحسین هرایه
باشیم دوشوب بلایه
بند :three:
:white_check_mark:امام حسین :
خوش سنون حالیوه آمالیوه چاتوبسان
آنامی گوروبسن القانیوه باتوبسان
دور ایاقه یولون گوزلور رقیه قارداش
سو قولین ویروبسن ایندی عجب باتوبسان
برادر شهیدیم
آچ گوزلرون امیدیم
:white_check_mark: حضرت ابوالفضل:
میداندا باشیمدان تیربلا یاغوردی
گلدی زهرا آنون منی اوغلوم چاغوردی
چوخ تلاش ایله دیم اوخ مشکیمه دگمه سون
قولومی سالانلار سومشکیمه اوخ ووردی
گل یاحسین هرایه
باشیم دوشوب بلایه
بند :four:
:white_check_mark:امام حسین :
قان دولان گوزلرون قلبیمون باشین دلور
باشیوون اوستوندن آنامون عطری گلور
دور منه تکیه قیل باهم گیدگ خیامه
زینبون قورتاروب اشکی یوزه قان الور
برادر شهید یم
آچ گوزلرون امیدیم
:white_check_mark: حضرت ابوالفضل:
سیدی آغلاما قلبیمی قان ایلمه
نوکریوه خاطر قدین کمان ایلمه
گوزلریم آغلیان گوزلریوون فداسی
دشمنون ال چالور اشکون روان ایلمه
گل یا حسین هرایه
خوش سنون حالیوه
حضرت رقیه سلام الله علیها
✍ گلچین نغمه های غم✍
رضا ماه پری زنجانی
من رقیه چمن آل علی بلبلویم
اوچ یاشیم واردی حسین بن علی سوگولویم
شرف و شو کتیم عالمده منیم والادی
جدیم احمدی آنام فاطمه ی زهرادی
آستانیمدن ائدن کسب شرف حورادی
سینیم آزدی ولی دریای حیا و ادبم
من آنام فاطمه تک دهریده والا نصبم
منی عالم تانیور شاه ولانین قیزیام
اختر چرخ ادب مهر و وفا اولدوزویام
روضه لر سفرسینین هم دادیام هم دوزویام
بلون ای اهل ولا فاطمه ی ثانی منم
گلشن آل علینون گل ریحانی منم
قاپیمی کیم چالا عالمده گرفتار اولماز
آدیمی صدقیله سسلنسه بشر خوار اولماز
بی حجابدان منه اعلان ایدورم یار اولماز
حفظ دین حفظ حجاب اصل مرامیمدی منیم
ذکر تسبیح خدا دلده کلامیمدی منیم
افتخاریم بودی من دخت شه ذالکرمم
زینب عمم کیمی هر عرصده ثابت قدمم
کوری چشم عدو صاحب صحن و حرمم
اجنبی ایستوری خمپاره ویرا بو حرمه
یخارام ایولرینی آند اولا قانلی علمه
من همانم که اورک ملکلرین قان ایلدیم
کربلا شاهینی ویرانیه مهمان ایلدیم
من یزیدین قصرینی آهیملهویران ایلدیم
قویمارام داعش و وهابینی من اوز باشینا
باشلارین خورد الیوب چالام حقیقت داشینا
آهیمین وار کسری سوده ی الماس کیمی
بیچه جاخ هرزه علف تک اولاری داس کیمی
واردی غیرتلی عموم حضرت عباس کیمی
ظلمه باش اگممیشم چاتمشام عالی هدفه
دشمنیم خوار اولاجاق آند اولا شاه نجفه
آدینی شیعه قویانلار گرک هوشیار اولالار
پیرو مکتب دین جان بکف یار اولالار
هاردا ظلم اولسا گرک وارد پیکار اولالار
خطر احساس ایلیوب بید مثالی اسلر
دشمن آل علی نسلینی یردن کسلر
اهل تقوا اولا کیم فوری تاپار حق یولونی
بی دفاع ملته خاطر سپر ایلر قولونی
عموم عباس کیمین فدیه ویرر صاق صولونی
دایانار مردله مردانه دیر حق سوزونی
ساتماز عالمده اوجوز پست و مقامه ئوزونی
گون همان گوندی یقینیمدی همان یوم بلا
گنه تکرار اولونور واقع کرب و بلا
شمریلر باش کسیری هاردادی مردان خدا
قویمیون حرمللر عرصده فرصت تاپسین
بیرق کفری یخین جانلاری وحشت تاپسین
کوفه اهلی کیمی سیم و زره آلانمیاسیز
دینی دنیایه ساتان کافره آلانمیاسیز
وعدهء دشمن پست و شره آلانمیاسیز
یاپشین پرچممین گوشسینی عشقیله سیز
یالوارون حضرت زهرا ننمه صدقیله سیز
مشکلوز اولسا دیون حضرت زهرا ننمه
گوزی قانیله دولان غملری عظما ننمه
پشت درده یخلان ام ابیها ننمه
هم آنام صورتینه هم منه سیلی ویرلیوب
یوزی دیواره دیوب رشتهء الفت قریلوب
درد گوشوارنی هم من بلورم همده آنام
او یانان درده و مصیبتده گرک منده یانام
یول گیدنده در و دیواره آنام تک دایانام
قبره منده گئجه یاری گیدرم فاطمه تک
بلمورم عممه کیم ایلیجاخ اوندا کمک
بو خرابه اولاجاقدی منه اصل وطنیم
دینجلر تپراقین آلتدا بو گورمیش بدنیم
افتخاریمدی قرا کوینگیم اولسا کفنیم
تیکمیشم یولارا مدتدی بو آغلار گوزومی
باباما عرض ایدرم گلسه یانقلی سوزومی
چوخ چتین لحظه دی بو لحضه منیم تک اوشاقا
عمرومون آخریدی جان یتشوبدی دوداقا
گوگلوم ایستیر منی اکبر آلا بیرده قوجاقا
(ماه پری) یازما دایان قلبلری قان ایلدون
یازدون آغلار گوزیله گوزلری گریان ایلدون
حضرت ابوالفضل العباس علیه السلام
سبک سوال و جواب
✍ 'گلچین نغمه های غم ✍
شاعر ؟؟؟؟
:white_check_mark: امام حسین
یاتما ای یاوریم ، باوفا دلبریم ، دیلیمده ازبریم ، یاتما قارداش
یخدون اهریمنی ، چوخ ایسترم سنی ، گوزلروندن منی ، آتما قارداش
ای منیم دیزیمون قواسی دور ، ای سوسوز قیزلارون سقاسی دور
قویما عطشان قالا خیردا قیزلار ، آغلور احوالیوه دان اولدوزلار
ابوالفضلیم ، وفالی سان ، قارداش سن چوخ یارالی سان
یاتمازیدون ، من گلنده ، دور یاره لی ، حیالی سان
ابوالفضلیم اویان ( ۳ ) ابوالفضلیم
:white_check_mark:حضرت ابوالفضل
خوش گلدون سروریم ، ای منیم رهبریم ، گوزیمی گور نجه ، یاره لندی
من چوخ شرمندیم ، ایندی جان اوستیم ، مشگیمه اوخ دگوب ، پاره لندی
یاتمازدیم سروریم سن اولاندا ، شرمنده اولموشام بو مکاندا
گرچه من دوشموشم توپراق اوسته ، قدم قوی باری سن گوزوم اوسته
جانیم سنه ، قربان اولا ، من سیز قارداش ، سن دوش یولا
خبر آپار ، رقیووه ، قویما گوزی ، یولدا قالا
جان قارداشیم حسین ( ۳ ) جان قارداشیم
:white_check_mark: امام حسین
مشگین چوخ پاره دی ، قولارین یاره دی ، قارداش داریخما چوخ ، چاره ندی
دور وئراخ ال اله ، گولمسون حرمله ، زخم زبان اوچون ، آماده دی
دور گئداخ خیمیه سنسیز گئتمم ، قارداش بالینوی من ترک ائتمم
گوزوی آچ اخا یاتما قارداش ، گوزیاشیمی قانا قاتما قارداش
مهربانیم ، یالقوزام من ، بوچولده آدامسیزام من
منی آتما ، خسته یاتما ، یارالی قارداشسیزام من
ابوالفضلیم اویان ( ۳ ) ابوالفضلیم
:white_check_mark: حضرت ابوالفضل
قارداش وار بیر خبر ، سوروشسان گر نلر ، سویلرم دیده تر ، نیلی گوردوم
بیر خانم قدی خم ، گوزده وار اشک و نم ، یوزونده ردّ بیر ، سیلی گوردوم
سوروشدوم ای خانم سویله کیمسن ، سس گلدی سن بالا امیدیمسن ،
قویما حسینیمی بی کس قالسون ، بو هجرون زینبی درده سالسون
تانیدیم من ، خسته گلن ، خانمون اول ، صورتیندن
بو چول هارا ، ننم هارا ، حیرتدیدیم ، همتیندن
جان قارداشیم حسین ( ۳ ) جان قارداشیم
حضرت علی اکبر علیه السلام
کوچ از قتلگاه گریز به زبانحال حضرت صغری سلام الله علیها
✍ گلچین نغمه های غم✍
داود بیدق داری
ای نثارتار زلفون مین خراج مصر وشام
واریئری یوزیوسف مصری سنه اولسون غلام
رنگی،رخسارون وئروب عشق عالمینده گلشنه
در سی رفتارون وئروب آهویه تا ائتسون خرام
دم سنوندور معجز عیسادن اولموش آشکار
نطقی سن موسایه وئردون اولدی یاره هم کلام
ای بهشتین نعمتی،طوبا مثل دور قددیوه
لبلروندن کوثروتسنیم آلارمعناده کام
عشقیوه دل باغلیان آزاد اولار هر عشقیدن
آدیوی ذکرایلین فردوسیده ایلرمقام
عشقیوی قان بسترینده چونکه معناایلدون
یددی گوی آلتی جهتدن عشقیووه ایلرسلام
سن منای عشقیده اکبرمقامه چاتموسان
آل هاشمدن اول قربان اولوبسان تشنه کام
سندن آیریلماق چتیندور ای حسینون دلبری
بیلمورم صغرا نجه قیلدی بوهجرانه دوام
بنزیوردی قلبی صحراده اولان آلالیه
آدیوی سسلردی بو نوعی گلردی نالیه
:white_check_mark: زبانحال حضرت صغری سلام الله علیها
اهل یثرب اکبریم مشتاقیدور دیداریوه
حسرتم چوخداندی منده گل کیمی رخساریوه
یوسفیم گل مصر عشقونده ئوزون آل جانیمی
اولدی رونق بلکه بو جان گرمی بازاریوه
عالم معناده قارداش پیر راه عشقسن
متصل دور جانون ای جان حضرت داداریوه
ساقی جام ولا سن وحدتین پیغمبری
خضر ئوزی لب تشنه دور پیمانه ی سرشاریوه
سن گئدندن گللر آچمور باغ عشقیمده علی
مین گلستان اولساچاتماز صورت گلناریوه
ئوزگه بیز عالمدی کیم گورسه محبت عالمین
گورمین بیلمز نجه بی طاقتم دیداریوه
آیریلیق یوردی منی گلمور اجل سن گل علی
گل طبیبانه ئوزون بیرچاره قیل بیماریوه
مختصر عرض ایلورم یثرب منه زندان اولوب
بیر اشاره بسدی بو سوزدن دل هشیاریوه
عشقی سندن اورگنوب صغرا سنون مدیونیوم
اذن وئرسه لیلی گر منده سنون مجنونیوم
*****************************************
وداع امام حسین علیه السلام
✍ گلچین نغمه های غم ✍
مرحوم استاد منزوی اردبیلی
آیردی آشنالردن سنی بیگانه لر قارداش
کول اولدی شمع وصلونده یانان پروانه لر قارداش
اوزون مخمور جام وحدت بزم الست ایتدون
او ته جرعیله یتمیش بیر نفر سربازی مست ایتدون
بنای کاخ دینه ایله ترمیم شکست ایتدون
فراموش اولدی تاریخ اُرگَنَن افسانه لر قارداش
قیامون گوش تاریخ جهانه یاخشی پند اولدی
باخوب ظرفیّت فکریجه هر کس بهره مند اولدی
بزیده اگمدون باش آل هاشم سربلند اولدی
باش اَکمز بُلدولر دیوانیه فرزانه لر قارداش
اَلون قربانیم آل ذوالفقارون باشلا سن جنگی
ویر اوز قانونله دانشگاه دینه رشد فرهنگی
یوواق قوی دامن اسلامیدن بو لکّه ی ننگی
اولا رسوای عالم هندلر مرجانه لر قارداش
او قرآن که امانتدور سنه جدّیم پیمبردن
اولوب مظلوم او قرآن دولت سفیان کافردن
گیدوب داد ایله اولما ناگران قاره لچک لردن
باجون زینبده وار چوخ همّت مردانه لر قارداش
اُلوب اکبر باشون ساق واضح ایتمه لشکر شرّه
بُلَلّر سن اوغولسوزسان امان ویرمَزله بِالمَرّه
وقارون پوزما بشّاش اول، اوزون سیندیرما بیر ذرّه
مبادا چوخ سویونسون لشکر فتّانه لر قارداش
اَلون قوی سینمه قارداش منه صبر ایسته دریا تک
اولوم محبوبه صبریله آنام صدّیقه زهرا تک
یاناندا خیمه لر شهپر آچوم همّتلی عنقا تک
سیخیلسون سایَمه بو سویگُلی دردانه لر قارداش
آیردوق هر مصیباتی ازل گون مو به مو سنلن
قوشولدی لیلی منلن، اکبر خورشیدرو سنلن
رقیّه مندن اولدی، اصغر خونین گلو سنلن
سنه صحرای غم چاتدی منه ویرانه لر قارداش
گئجه لر قویمارام تا کیپریگیم دوشسون گوزوم اوسته
هر امره عهده دار اولسام دایانّام اوز سوزوم اوسته
رقیَّن یاتماسا یرده یری واردور گوزوم اوسته
علاوه زلفینه توز قونسا زینب شانه لر قارداش
بُلور گیتماقلیقون هر سوز بُلن قیز دیده گریاندور
سو جامین گیزلَدوب، اظهار دردیندن پشیماندور
دیولّر بو سوسوزلوق هجر اودوندان مین یول آساندور
نه سن گیت، نه سو ایستور بو یانان پروانه لر قارداش
آلاردون مسلمون هر گون قیزین آغوشه نازیله
اُپردون یوز گوزیندن لطف و مهر دلنوازیله
اونی دیندیرمه میش گیتمه باخور سوز و گدازیله
نه تیز چخدی یادوندان عادت روزانه لر قارداش
یاشیل یا قرمزی مَخمَل دوتالّار جلد قرآنه
گرک قرآن ناطقده گِیینسون رخت شاهانه
گِیورسن کهنه پیراهن باخور قیزلار یانا یانه
کیمه قسمتدی بس بو خلعت شاهانه لر قارداش
سنی ویرّم قسم ای دخت زهرا شاه عطشانه
یِتور سن (منزوینون) درد پنهانین او سلطانه
دِنَن لطفیله یازسون دائماً شعر ادیبانه
مذمّت ایتمسون تا عیب جو بیگانه لر قارداش:palm_tree:
از این شعر در مراسمات شروع سینه زنی و زنجیرزنی استفاده میکنند:arrow_down::arrow_down::arrow_down:
مداح یا میاندار:
آیردی آشنالردن
جمع ( کُر ):
حسینیم وای حسینیم وای
مداح یا میاندار:
سنی بیگانه لر قارداش
جمع ( کُر ):
حسینیم وای حسینیم وای
مداح یا میاندار:
کول اولدی شمع وصلونده
جمع ( کُر ):
حسینیم وای حسینیم وای
مداح یا میاندار:
یانان پروانه لر قارداش
جمع ( کُر ):
حسینیم وای حسینیم وای
داریخموشام...
مرحوم حاج اسدالله امانی اردبیلی
قلم بو درد و غم روزگاریدن نه یازوم
عذاره اشک الیین چشم زاریدن نه یازوم
قراندولوق گئجه دن پیس گئچور ایشیق گونوموز
شعور و شور و شریر و شراریدن نه یازوم
سنان قانادلا اوچا هانسی قوش اسیر اولاجاق
قفسده بند و کمند و شکاریدن نه یازوم
قاراندولوق گئجه میز عاقبت سحر اولاجاق
گوزتلورم سحری ، شام تاریدن نه یازوم
ئورگ دولی ، گوزوم آغلار ، دیلیمده مین شِکوَه
زمانه دن فلک کج مداریدن نه یازوم
داریخموشام او قدر مردم ائتدی نامردی
جفا و جور و غم بیشماریدن نه یازوم
امانیم ئوزوم ئوز دردیمه فقط یاندیم
ئوزوم کیمین ئورگی داغداریدن نه یازوم
نثار روح بزرگ استاد فقید ، حاج اسدالله امانی اردبیلی و ارواح سایر شعرای فقید صلوات
***************************************
ناله در دل، اشگ بر رخسار، بغضم در گلوست
عضو عضوم با حسین فاطمه در گفتگوست
نامه ی اعمال من این چشم گریان من است
اشگ من بر صورت من خوش تر از آب وضوست
هر کجا پا می نهم انگار نهر علقمه
هر طرف رو می کنم قبر حسینم روبروست
اشگ از سوز عطش خشکیده در چشم رباب
کودک شش ماهه را تیر سه شعبه در گلوست
مکتب من خیمه ی عبّاس و درسم یا حسین
دین من آیین من تا صبح محشر عشق اوست
با حسین و کربلا یک عمر عادت کرده ام
کربلایم کربلایم کربلایم آرزوست
«بر مشامم می رسد هر لحظه بوی کربلا»
«در دلم ترسم بماند آرزوی کربلا»*
نوحه جوشی زبانحال حضرت زهرا(س)وگریز به قتلگاه سیدالشهدا(ع)
محمد متقی تبریزی
سبک تبریز : عمواوغلی چوخ گل سارالار...
سبک اردبیل : خداحافظ ای آنام باجی...
________________________________
سینه یارالی گئدورم ياعلی حلال ایله
حسینیمی ترک ایدورم یاعلی حلال ایله
بوائوده دوقوزائیل علی خدمتینده من اولدوم
جهاندا زهرا سنه فدا گل مثالی تئز سولدوم
سنی کمکسیز قویوب گدوب نیلیوم جوان ئولدوم
اگرچه دردون بیلورم یاعلی حلال ایله
سنی زهرا آغلاماعلی دردیوی اوزوم بیللم
قولوم قاخساگوزیاشووی فاطمه جانی سیللم
ندورچارم قاخمورالیم یاره لی علی ئوللم
دانیش مندن چون ئولورم ياعلی حلال ایله
سنون غمون چوخدی علی فاطمه سنه قربان
بابام رسوله اولورام بوندان بله من مهمان
یوزومده سیلی یرینی گورسه نه دیوم جانان؟؟؟
سوزی اچیق چوخ دیمورم یاعلی حلال ایله
قاپوم کیمی یاندیروب منی جوروظلمیلن امت
منیم گئجه قبریمی قازوب قبریمی علی گیزلت
سینم تک قلبیم سینوبدی چون ائستمم بوله ملت
ئولومه حسرت چکورم یاعلی حلال ایله
بودوغری سوزدی عم اوغلی جان قیز اناسینا چکر
منیم قیزیم غملره دوزر هرغم اولسا تاب ایلر
ولی اناسی جوان ئولر باغرينی کباب ایلر
بیراللی زلفین هورورم یاعلی حلال ایله
حسینیمه هرگئجه یاری سوویره دینن زینب
سو ایچمک عادتدی اونا سوایچه بالام هرشب
اگرچه سواوسته سولار یاسی هاشمی اطیب
اوصحنه سین من گوررم یاعلی حلال ایله
توخوموشام کوینک اوغلوما کربلاده تا گیسین
ویرر اوچولده باجیسی اگنینه گیوب گئتسون
منیم وریمدن بوغازینی زینبیم ئوپوپ گئتسین
اوحاله گوزیاش الورم یاعلی حلال ایله
اوچولده بیر یل اسه جک فی المثل خزان فصلی
آت اوسته قولسوزدولانار سائله اولان فضلی
یخیلاندا تپراقا گرگ درک ایدم ابوالفضلی
سنی اوندا گوزلیورم یاعلی حلال ایله
اوچولده قانه بویانار یاوریله انصاری
سواوسته قدی کیچیلر اوغلومون علمداری
اوچولده گل باهم اولاخ اوغلومون هواداری
ولی ایندی من گئدورم ياعلی حلال ایله
حسینه حمله ائدر قشون اوغلونی گورللر تک
توخودوقوم غارته گئدر الده کی همین کوینک
چوخور یره من گدوم اووقت سنده زینبه باش چک
اگرچه زحمت ویرورم یاعلی حلال ایله
غرض دولانوبدی نچه ائیل اولدی روز عاشورا
دوشوب حسین اول چوخوریره سسلیوبدی یاجدا
گلوبدی داده اوچوله باشدا قاره سی زهرا
دیوب بقیعدن گلورم یاعلی حلال ایله
گوروبدی شمر ایستیوری اوغلونون کسه باشین
دیوبدی کسمه ویرامان توکسون انا گوزیاشین
بوقدری قانه بلمه اوغلومون گوزن قاشین
یتیش هرایه ئولورم یاعلی حلال ایله
سنی حسین ایله نظر "متقیه"یازهرا
غم ودردی چوخدی خانم وردذکری کربلا
بونوحه نی قسمت اولسا گر اغلیار اوخور اوردا
سینه یارالی گئدورم یاعلی حلال ایله
یارقیه الحسین,,,,,,,
#فاطمیه
✍ گلچین نغمه های غم✍
