گَلدیم یتیشم فریادیوه-دعای مریض :
حضرت ابوالفضل العباس علیه السلام
زبانحال امام حسین علیه السلام
مرحوم حاج حسین عابد متخلّص به یتیم معروف به مولانا :small_blue_diamond:
( استاد مولانا یتیم )
گَلدیم یتیشم فریادیوه من دور ای سنه من قربان یارالی
سقّا سن اوزون امّا ویریسن جانانیوه جان عطشان یارالی
تذهیب اولونان قرآن کیمی وار جسمون گورورم قاندان شفقی
ازبسکه یازوب شمشیر جفا صد پاره دوشوب هر بیر ورقی
جسمون ایله بیر ترکیب تاپوب گویا داغیلوب بیر گُل طبقی
یا اینکه دوشوب بیر سرو روان خاکیله اولوب یکسان یارالی
عشقونده وفا اثباتینه سن هر رنج و غمی تصویب ایلدون
بو نیّتیله دامان دلی هر خاطره دن تهذیب ایلدون
جان تشنه جگر بذل ایلماقا اوز نفسیوی چوخ ترغیب ایلدون
خوش طرزیله تا پایانه یته اوّلده اولان پیمان یارالی
قانون دوزولوب بو عارضیوه شبنم دیه سن گلبرگ تره
یا انجمیله پیرایه ویروب مشاطه ی غم قرص قمره
هر یاره ایدور جسمونده عیان مین باب محن اهل نظره
حسرتله سنون جان ویرماقیوی دنیایه ویرور اعلان یارالی
گوردوقجا سنی بو حالیده من صبریم کسیلوب چارم آزالوب
حیرانم اوزوم هم آی دوتولوب، هم سیرینه گون آواره قالوب
آچ گوزلریوی باخ گور نجه بیر گُل پیکریوه گون سایه سالوب
قانیله دولان حسرت گوزیوه عالملر اولا قربان یارالی
جان ویردون اوزون جانانه منیم جان ویرماقیما تعجیل ایلدون
سینمده اولان مُجمل غمه سن تشریح ویروب تفصیل ایلدون
بیر نوع ولی اسلامه بو گون اوز خدمتیوی تکمیل ایلدون
حاشا که تاپا سندن صورا بو شرع نبوی نقصان یارالی
پیمانه ی غم ایچدیردی سنه انجام سر پیمان ازل
عزمونده ولی اوخ نیزه قلج ایتموبدی عیان بیر ذرّه خلل
اَلدن اَل اوزوب ترک سر ایدوب تحکیم اولا تا بنیان امل
شوقاً ایلدون بیر جفت اَلیله جان پیشکش جانان یارالی
قتلونله سنون هر چند منه چوخ تنگدی بو وسعتله فضا
منده گَلرم آردونجا سنون مختوم اولا تا فرمان قضا
دور خیمه لره قیل بیرده گذر گور زینب اولار بو حاله رضا
سیننده آچوب سنبل کیمی پر هر زهرلی بیر پیکان یارالی
صبر ایلماقی هر نوع غمه امیال دله زنجیر ایلدون
تدبیر خِرد نه حاله دوشوب سر در قدم تقدیر ایلدون
غم مصحفینون آیاتینی تا عاشقلر اوچون تفسیر ایلدون
تفسیرینه بو آیاتین اولوب آنّونداکی اوخ عنوان یارالی
مرسومیدی گون ایستر که اوزه مغربده سالا نیلینه خِمار
نوری آزالوب رنگی سارالار انوار شفق اطرافین آلار
بو صون نفسی گون تک گورورم یر اوزره سنی بی تاب و قرار
رنگون سارالوب قانیله ولی رخسارون اولوب الوان یارالی
بیر عمر یتیم ایلوبدی شها مشعوف اورگین بو نیّتیله
آخِر نفسی جویا اولاسن حال دلینه چوخ رافتیله
لبریز ایلیوب گوز کاسه سینی خونابه ی غم بو حسرتیله
به به نه گوزل مقصوده چاتار گر ایلسه سن احسان یارالی
ــــــــــــــــــــــــ
:small_blue_diamond: مرحوم مولانا یتیم پدر شاعر پرآوازه تبریز،مرحوم استاد محمد عابد تبریزی معروف به عابد خیابانی می باشند ( خداوند هر دو بزرگوار را با اربابشان حضرت اباعبدالله الحسین علیه السلام محشور فرماید .*********************************
زبانحال حضرت امام حسین دربالین حضرت ابوالفضل علیهم السلام
✍ گلچین نغمه های غم ✍
" متن نوحه هاي تركي
استادهادی اردبیلی
سبک:الهی دفن ائدیم نجه
سپهرغصه ده باتان شکسته ماهیم آچ گوزون
گوزومده تاراولوب جهان ایاپناهیم آچ گوزون
حسینه سس وئروفالی قارداش
داریخدی سینم یارالی قارداش
اؤیاره لردگیدی کاش منیم بوقلب زاریمه
آخیدی باشیمون قانی قانون کیمی عذاریمه
آخان گوزون دوشن قولون عمودیلن سینان باشون
بوکوبله قدیمی منیم سالوبلا اود قراریمه
بوداغلی سینم چکورشراره
گوزآچ حسینه ائله نظاره
میان نخلزاریدن سویاگوره یولون دوشوب
کشیده سرولرکیمی تبردگوب خولون دوشوب
گوزوم دوشنده جسموه باشون کیمی بلیم سینوب
نه حاله پیکرون قالوب گوزاوخلانوب قولون دوشوب
ساییلمیاندی سینونده یاره
سمادی جسمون یارون ستاره
نه تک ئولوبدی قارداشیم ئورک یانورعزالیام
نه تک بوعرصه گاهیده آدامسیزام بلالیام
هرعضووه دگوب یارامنیمده قلبیمه دگوب
سنان ئورک یاراگوروب ئوزون کیمی یارالیام
شکسته نی تک ئورک سیزیلدار
گوزه گورونمزئورک یارام وار
اولوب ایشیم بوگون منیم شکسته قلبی داغلاماق
ئورک قانین یارون کیمی سولان جماله باغلاماق
ئولنده اکبرآغلادیم ولی بوحاله قالمادیم
گولورقشون من آغلورام نه سختیمش تک آغلاماق
غریب اولانلاربونی بیلرمیش
تک آغلیاندا عدو گولرمیش
لباس عشقی قلبیدن بوگون سویوب گئدنمورم
ئوپوب یارادگن گوزون گنه دویوب گئدنمورم
عبانی سرمیشم یره یوخومدی بیرنفرکمک
یارالیسان آپارماسام سنی قویوب گئدنمورم
بوخسته پیکرگئدورمنیله
عزالی روحیم قالورسنیله
غرض دوروب دوشوب یولاحسین آتانمادی قدم
سرشگی آخدی صورته بوسوزلری ائدوب رقم
گئدوم خیامه باش چکوم گوزتلیوربالالاریم
اوکی کسیلدی چاره سی علاج سیزقالان منم
حسینی ایله دعا ابوالفضل
ئورگی اولسون رها ابوالفضل
بیرآزگئدورگنه دورورسرشگی صورته آخور
بلاوغصه رعدتک یارالی قلبینه شاخور
خیامه ساری قصدائدوب ایاقی گلمیورگئده
بلینده اللری دونورکنارعلقمه باخور
دیوردمادم جان آی یارالی
فلک گورائتدی سنی هارالی
نه باعث اولدی گئتمدون بوچولده ایلدون وطن
قوم اوسته پیکرون قویوب نجه گئدوم خیامه من
سوروشسالارسوسوزلاریم سوجامی اده خیمه ده
سنون بوحاله قالماقون نجه حسین ائدرعلن
بیرآیری چاره یوخ ایندی قارداش
خیامه گئتمک چتیندی قارداش
حضرت علی اصغر علیه السلام
:white_check_mark:زبانحال حضرت اباعبدالله الحسین علیه السلام
✍ گلچین نغمه های غم✍
" متن نوحه هاي تركي
شفایی
سبک : ای منیم نازنین نگاریم
ای منیم قارداشیم ابوالفضل
غم گونی یولداشیم ابوالفضل
دوشمیشم گل بلایه بیرده
تئزیئتیش سرداشیم ابوالفضل
اوچ پراوخ ووردیلا علی اصغریمه
گل داده ووردیلار علی حنجرینه
هانی عونیم هانی فضلیم
گلوم گئتدی ابوالفضلیم
ــــــــــــــــــــ
یار و انصاریدن قالان یوخ
باشیمه سایه بیرسالان یوخ
تشنه قربانیمی گل عباس
الیم اوسته قالیب آلان یوخ
یانورام لایلایون چالانون حالینا
خیمه ده بیرده اول ربابین حالینا
هانی عونیم هانی فضلیم
گلوم گئتدی ابوالفضلیم
ــــــــــــــــــــ
خیمیه گئتمگه یوزوم یوخ
باخورام اصغره دوزوم یوخ
چاره یوخ شرمسارم الله
اول ربابه منیم سوزوم یوخ
خجلم من ربابیدن نیلوم الان
اخیمده بیرده وارمنی یاده سالان
هانی عونیم هانی فضلیم
گلوم گئتدی ابوالفضلیم
ــــــــــــــــــــ
سسلرم زینبی ابوالفضل
دیرم مطلبی ابوالفضل
سویلرم گل آپار قوشومدی
یاره لی خسته دی ابوالفضل
عمرونده هیچ دیل آچمادی نازلی بالام
واریری تاکی وارجانیم یاسلی قالام
هانی عونیم هانی فضلیم
گلوم گئتدی ابوالفضلیم
حضرت ابوالفضل العباس علیه السلام
:white_check_mark: زبانحال حضرت اباعبدالله الحسین در بالین حضرت ابوالفضل العباس علیهم السلام
" متن نوحه هاي تركي
مرحوم محمدحسین جنتی مقام متخلص به صَحّاف تبریزی
یانام باخارام بو یارالی پیکره قارداش
خندان گوله بنزر داغلوب چو للره قارداش
جسمونده چاتوب باش باشا سنبل کیمی قارداش
وار هانسی چمنده بیله خوش منظره قارداش
دور گور نه قیامتدی بو گون خیملریمده
یردن اوجالوب ناله سسی گویلره قارداش
یاتدی علمون سیندی بلیم چارم آزالدی
ایوای منه وای عترت پیغمبره قارداش
دشمنلر ایچینده گوروسن یالقوزام ایندی
دور ایله حمایت من،بی یاوره قارداش
دعوا گونی سن شیریدون ای شیر شجاعت
سن وارثیدون شیر خدا حیدره قارداش
دور ال اله شمشیریوی دشمن قاباقین کس
ای غالب اولان جنگده بیر لشکره قارداش
آیا بو او الدور هامی اللردن اوجیدی
قطع ایتدی قضانین الی سالدی یره قارداش
بیر گون قورولار محکمه عدل الهی
قهریله دگر ارض و سما بیر بیره قارداش
فریاد او گون داد او ساعتدن ابوالفضل
بو اللری زهرا گتوره محشره قارداش
بیر اوزگه قیامت اولی محشر گونی برپا
باخدوقجه آنام فاطمه بو اللره قارداش
چون امته اسباب شفاعت بو اللر
محبوبیدی درگاه حق داوره قارداش
قیلام بو کسوک اللرینه منده شفاعت
محشر گونی صحاف الم پروره قارداش
حضرت زینب سلام الله علیها
" متن نوحه هاي تركي
سبک : خدایا عاشقان را با غم عشق آشنا کن (افتخاری)
غفاری اردبیلی
حسین جان شامه گَل غیرتلی پرچمدارون ئولدی
یوبانسون کربلاده باغریقان بیمارون ئولدی
سنه دلبستیم من
وصالون مستیم من
ئوزون گلسون گورَرسن
حسین جان خسته یم من
نگاریم حسین وقاریم حسین بهشتین تاجداری
سنون عشقووی یانان قلبیده آپارّام یادگاری
منه هر بزم الفت یا حسین زندانه اوخشار
اوشاقلیق خاطراتین صحبت ایللّر خانملار
منیم اما اوشاقلیق خاطراتیم غم فزادی
ننه ام ئولدی سیزه اولدوم اوشاقلیقدان پرستار
سالوب غملر حصاره
دوشوب قلبیم فشاره
حیات جاوداندی
سنی گورسم دوباره
چاغیر قاسمی گوزل اکبری گتیر دیداره قارداش
دئنن اصغره آلوبدی بی بون سنه گهواره قارداش
نقدری ووردی دشمن قوللاریمدان تازیانه
که بلکه یالوارام بیر یول سپاه ظالمانه
دئدیم باش اگمرم مین یول اگر باشیم کسیلسه
عزادار وفادارم شهید قهرمانه
کفیل انقلابم
وکیل آفتابم
منه زینب دیَللر
علمدار حجابم
آنام فاطمه وئروب درسیمی حجابیم سنگریمدی
اسیر اولمارام ستمگرلره شجاعت خنجریمدی
حضرت علی اکبر علیه السلام
زبانحال حضرت اباعبدالله الحسین علیه السلام
داود طهمورثی تبریزی
قوملار اوستونی بسترایلمه .خوش دگورسنه بومکان اوغول
گون اذیت ایلور یارالسان . یاتما قان ایچینده اویان اوغول
بیر شکسته نی تک سزلدورام.باشین اوسته ای مه لقا سنه
سمعیوه یتشمور مگر سسیم .یا کی ناز ایدیرسن اوغول منه
خیمه ده حرم ناگرانیدور.یاتما دور گیداخ دارالایمنه
گون ایوین بیله مسکن ایلمه.آلما دلدن آرتوق توان اوغول
نطقه گل منیله دانش بیر آز. جان عالم اولسون فدا سنه
آززمانیده یوز ویروب نه چوخ. دشت کربلاده بلا سنه
منجنیق غم قلبیمی سیخور.گوزلریم دوشنده بالا سنه
سلب ایدور اورکدن قراریمی.لبلرونده بو لخته قان اوغول
خیمه دن قتاله گلن زمان.دوشدی تا سوسوز لبلره گوزوم
سالدی اود سراسر وجودیمه.تشنه جانیوه من فدا اُوزوم
ایستدیم کی سقایه فاش ِاِیدم دلده بو غمی اولمادی یوزوم
بولدی لیک منظوریمی دیدی. ایچمرم سو آلسام سودان اوغول
حالیوه نه تنها منم یانان.اود دوتوب دل آل حیدری
جان ویرن او قوش تک خیامیده چرپنور غمونده اورکلری
لیلی حزین بولموری هله قانینه باتوبدور دلاوری
گوز تیکوب باخورخیمه گاهیدن تلین اوستونه ناگران اوغول
واي اولا منیم حالیمه بودم باشیوي تاپوبدورعجب قضا
قاتلين نه بي رحميمیش سنين .وار او کی سنه ایلیوب جفا
پیکرون اولوبدور ورق ورق . سالمشام کنارینده من عبا
جمع ایدم بو اعضانی بیر یره .گورمیه منیم تک آنان اوغول
چون آنا بالانون مصیبتین.گورسه گوزلری ابر تک دولار
یا اَشد، اولاندا مصیبتی .قلبی اودلانار زلفینی یولار
نیسگیلون سنون بیکرانیدور.عاقبت آنان غصّه مرگ اولار
یوخ آنا کیمی روزگاریده اوغلونا اورکدن یانان اوغول
دلده گر چه مقصوده چاتموسان.مسکن ایلیوبسن کی بو یری
لیلینون گوزوندن اوزاق اولا.غصه دن اگر اولسه واریری
درک قیل اونون حالینی بیر آز.دور دوتوم قولوندان اوزون یری
خیمه گاهه جه بولمسین هله.قانیوه باتوبسان جوان اوغول
صبحدن غم بیشماریله من بو دشتیده سینه داغلورام
گه گلوب یارالی آپارموشام گه خیامیده یاره باغلورام
باشدا یاره وی باغلیانمورام .یاره آغلیور قان من آغلورام
یاره یاره اوستن وروبدولار ظلمیله سنه کوفیان اوغول
هرغمی که انصاره یوز ویروب.جان کیمی اونی جانه آلموشام
سسلیوب ویا دادینه منی باشی اوستونه سایه سالموشام
عالمین غمی یوز ویروب سنه نعشین اوسته اواره قالموشام
دردیمی آچوب داغلارا دیسم داغلار ایلر آتش فشان اوغول
(ساده) چون بو وادی ده باغلادون صدقیله ازل گونده سن کمر
بیزده ایلدوخ بیر بو خاطره طبعیوه سنون وار اوکی نظر
اولماسیدی گر لطفیمیز بیزیم فکریوه نجه بیله سوز گلر
قوملار اوستونی بستر ایلمه خوش دگور سنه بو مکان اوغول
گون اذیت ایلور یارالسان یاتما بو مکاندا اویان اوغول
حضرت زینب سلام الله علیها
تائب تبریزی
باشه یتوردی عمرینی باشی بلالی زینبون
گل آنام اوغلی جان ویرور یاسلی عزالی زینبون
عشق مریضدور باجون همدمی دل نواسیدور
شربتی اشک چشم تر خون جگر دواسیدور
یوخدی یانندا خویش و ائل ناله سی اقرباسیدور
سن کیمی جان ویرور غریب ائلدن آرالی زینبون
سن بولوسن حسین اوزون من نه قدر وفالیم
آیریلقوندا بیر گونی قاره باشی بلالیم
روز و شب آغلارام سنه، گولمز اوزوم عزالیم
گل بو زماندا قویما تک باشی قرالی زینبون
رسمیدی جان ویرن زمان باجی باخار صاقا صولا
قارداشا منتظر قالوب گوزلرینی تیکر یولا
خاصّه منیم کیمی باجی قارداشا مهربان اولا
گل گوزی یولدا قویما چوخ وقت رحالی زینبون
سندن اوتور من ایتموشم قان بو گوزومده یاشیمی
عالمه ویرموشم نشان شور نهان و فاشیمی
شوریله یازموشام آدون دلده بلالی باشیمی
کوفه ده هر باخان گوروب باشی حنالی زینبون
سندن اوتور ووروب یتن بیر دلیله یارا منه
خارجی آد قویوبدیلار فرقه ی اشقیا منه
قمچی ووروب جفائیله طایفه ی جفا منه
قارداش اولوبدی سن کیمی جسمی یارالی زینبون
مهر و محبّتون منی سالدی یارالی داغ داشا
چوللری گزدیم آغلادیم جام غمیم داشا داشا
دله گوزل آدون سنون عمریمی ویرموشم باشا
دلده او مهر گون کیمی یتدی زوالی زینبون
سندن اوتور بو باشیمی درد و بلایه سالموشام
سندن اوتور خرابه ده من قوری یرده قالموشام
سویگلی قیزلارین غمین بو قوری جانه آلموشام
راه وفاده طیّ ایدوب حدّ کمالی زینبون
سولدوروب آفت خزان اوردا گل بهاریوی
اوردا مزاره قویموشام بیر دُرِ شاهواریوی
من یانا یانه ترک ایدوب گیتدیم او گلعذاریوی
آز قالوب ایتسون آیریلیق فکری خیالی زینبون
دوزمدیم، ایستدی زبس گوگلوم او نازدانه نی
ایستگیم آرتدی، گوزیاشیم ایلدی تر بو دامنی
شامه دوباره جلب ایدوب چکدی علاقه سی منی
گتدی مدینه دن بورا شور و نوالی زینبون
غربت ایوینده گورماقا گلدیم او زار و بی کسی
قالموشیدی قولاقیده بسکه یانقلی ناله سی
فرض ایلدیم گلور گینه سویگلون آغلاماق سسی
آخدی غمیله عارضه اشک زلالی زینبون
یوخ بالان ائیل قبیله سی بوردا ایده مراقبت
توزلی مزارینی سیلوب هم ایلیه مواظبت
خورداجا قبرینه قالوب قیلّام اوزوم مراقبت
دائم آلا کنارینی واردی خیالی زینبون
بسکه چوخ ایستدوب اوزون عمّه سینه او خوش سخن
علّت اودور که دویمارام قارداش حسین رقیّه دن
خوشدی قویام مزاره باش تا دم حشر بوردا من
یاتمیا تک بو شامیده ماه جمالی زینبون
جان ویرورم اولوب دلیم پرده به پرده قان کیمی
سینه می قانلی کوینگون آلموشام ایمدی جان کیمی
جامه ی نیلی گیمیشم اگنیمه اوز آنام کیمی
درسین آلوب بتولیدن اولدی مثالی زینبون
یوخ باشیم اوسته آغلیان، گل بو گون آغلا سن اوزون
قلبینی یوخدی داغلیان، سینوی داغلا سن اوزون
گوزلرینی ویرنده جان لطفیله باغلا سن اوزون
اشگیله بلکه سینه دن درد و ملالی زینبون
زینبون ای یارالی گل جان یتیشوب دوداقینه
خویش و ائل آختارور باخور گه صولا گاه صاقینه
باری اوزون جنازه سین حمل ایله قبر ایاقینه
تاپشور اوزون مزاره بو باشی بلالی زینبون
بیز ایکی عندلیبیدوق عشقیلی بیر بوداقیده
بسلدی فاطمه آنام نازیله بیر قوجاقیده
حیف اولا دوشدی مدفنیم سندن اوزاق اوزاقیده
قالمادی اولدی شامیده کرب و بلالی زینبون
کرب و بلانی ایلدون قارداش حسین مزار سن
شامیده ایلرم بنا غصّه لی بیر مزار من
عطر وفا آلار منیم قبریمون اوستونه گلن
نه باجیدور بولر سنه مهر و وفالی زینبون
سندن اگرچه ظلمیله سالدیلار زینبون اوزاق
وصله چاتانمادی اولوب مدفنی خانه ی فراق
نازلی رقیّه ساخلادی شامیده عمّه سین قوناق
حشره کیمی قوناقیدور یاسلی عزالی زینبون
ساخلادی شامیده منی حرمتیله بو سویگلوم
کرب و بلاده قالدیلار لیک ایکی سولان گلوم
اوردا قوناقدور سنه هر ایکی خسته بلبلوم
ساخلا عزیز ای شه مُلک جلالی زینبون
وار آنام اوغلی تائبین چون بیزه چوخ ارادتی
ایسته خداسی لطف ایده سویدوقوموز فصاحتی
سوزلری دلنشین گله آرتوق اولا حلاوتی
ثبت اولا دفترینده خوش شرح مقالی زینبون
****************************************
آخدون عالمده ندن کوه و بیابانه فرات
مرحوم میر عبدالحسین خازن
آخدون عالمده ندن کوه و بیابانه فرات
اولمادون قسمت حسینه دؤنهسن قانه فرات
قالدی لب تشنه کنارونده سنون شاه زَمَن
قسمت اولدون سن اوگون فرقۀ کفّاره ندن
فاطمه مهری دگُلدون مگر ای قانه دونن
آل طاهایه سن اولدون بیله بیگانه فرات
یاندیلار سوز عطشدن هامی اولاد رسول
سُولدی گلزار علی اولدی خزان باغ بتول
اولدی سیراب سویوندان سنون اولقوم جهول
آخدون اشکِ تر زینب کیمی هریانه فرات
گوردی عبّاس حسین عترتی لب تشنه قالوب
غیرتی جوشه گلوب چگننه بیر مشگ سالوب
خشمله تیغ شررباری اَلَه اولدم آلوب
قویدی یوز غیظیله تا جانب میدانه فرات
قویدی میدانه قدم فاتح خیبر بالاسی
داغیدوب لشگر اولشیر غضنفر بالاسی
وارد اولدی سنه مردانه چو حیدر بالاسی
سُپَر ایتدون اونی سن ناوک پیکانه فرات
دولدوربدور سوئیله مشگی قویوب رَزمه قدم
جَهد ایدوب تا اولا سیراب اوسودان اهل حرم
سو یولوندا ایکی قوللّاری اودَم اولدی قلم
چوخ او بیمهرون الیندن گلوب افغانه فرات
آه او دَمون که حسین یالقوز علمداری گوروب
سَروتک یئرده قَدِ قامت سرداری گوروب
ظلم اعدائیله دوشموش ایکی قوللاری گوروب
سویلدی سیندی بیلیم تُف بیله دورانه فرات
سنیلن همسفرم منده ابالفضلیم اویان
نُطقه گل منله دانش ایلمه چوخ باغریمی قان
آز زماندان صورا بو باشی کسر شمر و سنان
آپارور نوک جداده گله هریانه فرات
حضرت ابوالفضل العباس علیه السلام
مرحوم صحاف تبریزی
یانام باخارام بو یارالی پیکره قارداش
خندان گوله بنزر داغلوب چوللره قارداش
جسمونده چاتوب باشباشا سنبل کیمی قارداش
وار هانسی چمنده بیله خوش منظره قارداش
دور گور نه قیامتدی بو گون خیملریمده
یردن اوجالوب ناله سسی گویلره قارداش
یاتدی علمون سیندی بلیم چارم آزالدی
ایوای منه وای عترت پیغمبره قارداش
دشمنلر ایچینده گوروسن یالقوزام ایندی
دور ایله حمایت من،بی یاوره قارداش
دعوا گونی سن شیریدون ای شیر شجاعت
سن وارثیدون شیر خدا حیدره قارداش
دور آل اله شمشیریوی دشمن قاباقین کس
ای غالب اولان جنگده بیر لشکره قارداش
آیا بو او الدور هامی اللردن اوجیدی
قطع ایتدی قضانین الی سالدی یره قارداش
بیر گون قورولار محکمه عدل الهی
قهریله دگر ارض و سما بیر بیره قارداش
فریاد او گون داد او ساعتدن ابوالفضل
بو اللری زهرا گتوره محشره قارداش
بیر اوزگه قیامت اولی محشر گونی برپا
باخدوقجه آنام فاطمه بو اللره قارداش
چون امته اسباب شفاعت بو اللر
محبوبیدی درگاه حق داوره قارداش
قیلام بو کسوک اللرینه منده شفاعت
محشر گونی صحاف الم پروره قارداش
استادهادی اردبیلی
بشیکده اوچ گئجه گوندوز سوسوز شهپر چالان لایلای
قرار و صبر و آرامین عطش الدن آلان لایلای
سوتک قانین یره سوزولدی
چالشما حنجرون اوزولدی
بیرآزتاب ائت الیم اوسته چکوم اوچ شعبه پیکانی
سماواته اسن الده سپوم ناحق آخان قانی
قوتاردون سن بوغوغادن آتان غوغالره دوشدی
سنه یوخ بو،سه پرپیکان منه دگدی بالام جانی
آخان قانون منیم قانیمدی
چیخان جانون منیم جانیمدی
سپاه کوفه سمتندن سه پراوخ رعدتک شاخدی
گوزون آخدی گوزوم باخدی سرشگیم صورته آخدی
تزآچدیم باغلی قوللارون قنادچالدون قاناباتدون
سارالمش صورته قانون بالاجااللرون یاخدی
قانونلا یوز گوزون بویاندی
باخوب سنه حسین اوتاندی
حسین بی یاروبی کسدی ائلیندن هئچ قالان یوخدی
ئولوب قارداشلاریم اوغلوم منی یاده سالان یوخدی
آخورقانون بوغازوندن علی آواره یم نیلوم
قالوبسان اللریم اوسته سنی مندن آلان یوخدی
ئورک اسورچیخان جانون تک
آخورگوزوم یاشی قانون تک
چالشمشدون یورولمشدون چالوب اوخ لایلایون یاتدون
یاتاندااللریم اوسته قیزیل قانه باتوب یاتدون
سنی سوگتدی میدانه ولیکن اولمادی قسمت
آنوندان هم سودان کوسدون بودنیانین داشین آتدون
مدینه نون مارالی لایلای
سودان کوسن یارالی لایلای
سوقان اولسون چمن سولسون سارالدی گل یوزون سولدی
سوآخدی چوللره اماقانیلان حنجرون دولدی
سزلدیردون یارالی تک گلنده عرصیه اوغلوم
سه پراوخ چالدی بیرلایلای سزلتونداخموش اولدی
بوغازین اوخ بیچن بالام وای
قانین سو تک ایچن بالام وای
****************************************
دعای مریض :
گرمریضون وار اوتانما دوت حسینون اتگین
او یانان خیمه ده بیمارینه گوند رصلوات
باخ بقیعه حرم باقر وصادقدی اورا
سسله یافاطمه ،زوارینه گوندر صلوات
صدقیله عرض ائله زندانی بغداده سلام
موسی جعفرین آثارینه گوندر صلوات
هم رضا تاج شرفدور بیزه هم اوغلی جواد
ا ولارین دلده کی اسرارینه گوندر صلوات
هادی وعسکرینون قبرینه باخ سامره ده
او بیوک گنبدین انوارینه گوندر صلوات
بواون اوچ نور گلوب مهدیده بیر گون گله جاق
آقامون اوچ یوز اون اوچ یارینه گوندر صلوات
شهدا قوزادی ایراندا علی پرچمینی
اولارین جبهه ده ایثارینه گوندر صلوات
شهدا یاددان اگر چیخسا چیخاردین یاددان
صادق عاشقلرین افکارینه گوندر صلوات
انقلابی یادا سال نهضت عاشورا تک
قانلی کوینکلرین آمارینه گوندر صلوات
ملتی صحنه ده بیدار ائلین مجتهدین
بی ریا عشقینه گفتارینه گوندر صلوات
بیزه هر نه یتیشوب کرب وبلادن یتیشوب
کربلانین درودیوارینه گوندر صلوات
زینبین آدی گلن وقته شهیدلر سسلر
اسرانین او مددکارینه گوندر صلوات
زینبی اولسان اگر چیخما حسین خطیندن
بویولی کیم گئده پندارینه گوندر صلو ات
قارداشین نیزه ده گوردی باجی محملده دئدی
ای دل اول قانلی تئلین تارینه گوندر صلو ات
یوسف فاطمه باشی اوجا نیلرده گزور
او باشین گرمی بازارینه گوندر زینبیلن
نیزه ده قافله سالا رینه گوندر صلوات
باغلائوب گردن سجاده آغیر بیر زنجیر
دلده یاحیدر کرارینه گوندر صلوات
آلاجاق شامی علینون قیزی بو لشکریلن
خطبه ونطق شرر بارینه گوندر صلوات
دست خالیدی «کلامی » گوزینی یاره تیکوب
یاره باخ ،ملهم اشعارینه گوندر صلوات
۞کانال نغمه های غم ۞
